الرئيسية
من طرف السلام عليكم و رحمة الله و بركاته
خلــص الكلام كلـه
احساس اول مرة احسهـ
شعور اول مرة يوصلنى
وجايز مش احساس ولا شعور دى شكلها حاجة اكيد
لما تبقى حاجات كتيرة حلوة فى حياتك
حاجات مهمة بالنسبالك
حاجات انت عايش عشانها وبتعمل المستحيل عشان توصلها
بتواجهة مشاكل وعقوبات وصعوبات بس بتستحمل ده
عشان تلاقيها وتجنى ثمارها فى الاخر
اوقات بتحس الحاجة دى انها راحت منك
ولو السبب انت بتعالج اخطاءكـ وبترجعها قبل ما يفوت الوقت عليك وتروح منك خالص
مش مرة ولا اتنين ممكن كتير
بس انت عارف انها ليها قيمة بالنسبالك وقيمة كبيرة اوى
عشان كدة عمرك ما اتخليت عنها
وحابب انها تبقى دايما معاك
وفــــجــــأة
مع ايامك الحلوة اللى انت عايش فيها والاحلام والطموحات اللى بتتمناها
والدنيا اللى راسمها لنفسك معاها
والجنة اللى حاسس انك هتبقى جواها
راحت كل حاجة
راحت للابد
وانت المرة دى مش عارف اية السبب
ممكن تكون الظروف بس متاكد ان مش انت
لما بتكون انت بتعالج الاخطاء دى
بس المرة دى مش عارف ليها اى سبب
بتقول ممكن كذا او كذا او او او بس مش انا السبب
كان جواك كلام كتير تقولة ليها
حاجات كتيرة كانت لسة جواك محتاجة تخرج
والوقت كان لسة قدامك هيساعدك انك تكملها وتقولها
بس للاسف خلاص
الكلام مات جواك يمكن لان مافي اي تبادل للشعور ساعتها
هتحس انك فى لحظة واحدة راحت منك كل حاجة
حتى الكلام مع اى انسان بيخرج منك بالعافية
عايز تتكلم ومش قادر عايز تقول وتحكى بس هتقول اية انت حاسس ان مفيش حاجة جواك عايز تتكلم فيها
شعور وحش اوى او حقيقة مش عارف اصدقها
ومش عارف هتبقى على الكلام بس
ولا ممكن تيجى كمان على الايام
وتبقى شكل الايام زى بعضها
شايف وحاسس ان كل حاجة معايا اتغيرت مش الكلام بس
كل حاجة كل حاجة
مش عارف هتفضل كدة الحياه[/size]
وإلا هتبتدى معايا حياة جديدة
حياة غريبة
اول مرة اعيشها
حياة مش عارف اولها من اخرها
عشان كدة بقول
خلاص خلص كلامى
تحيتي
فارس الإحساس
عدل سابقا من قبل فارس الاحساس في الأحد مارس 29, 2009 12:13 pm عدل 1 مرات
